विघ्नविनाशक स्तोत्रम्

विघ्नविनाशक स्तोत्रम्

ईशानो ढुण्ढिराजो गणपतिरखिलाधौघनाशो वरेण्यो

देवानामग्रण्यः सकलगुणनिधिर्योऽग्रपूजाधिकारी ।

विद्याधीशो बलिष्ठः षडरिविदलनः सिद्धिबुद्धिप्रदाता

जीवानां मुक्तिहेतुर्जयति भवहरः श्रीगुरुः सौख्यसिन्धुः ॥ १

विघ्नान्हन्तीति योऽसौ श्रुतिषु निगदितो विघ्नहेतिप्रसिद्धो

व्यक्तेवाऽव्यक्तरूपे प्रणववपुरयं ब्रह्मरूपः स्वमात्रः ।

यो व्यक्तो भक्तहेतुर्निरवधिरमलो निर्गुणो निष्क्रियोपि

भक्तानां मुक्तिहेतौ विदलयति कृतं मायिकस्याद्वयः सः ॥ २

सर्पोरज्जुर्हि यद्वन्न भुजग इति सा कथ्यते रज्जुसर्पे

विश्वं ब्रह्मैव तद्वन्न च जगदिति तत्खल्विदं ब्रह्मवाक्ये ।

सत्ता सामान्यरूपात्कथितमपि च यो दृश्यरूपो न तादृक्

दृश्यं यद्विघ्नकृत्स्यात्तदपनयति यो बोधतो विघ्नहाऽयम् ॥

सर्वं ब्रह्मस्वरूपं परमपरयुतं विश्वमाभाति यच्च

चैतन्यस्याद्द्वयत्वाद् गदित इति च यो दृश्यरूपोऽप्यरूपः ।

माया तत्सर्वकार्यं जडमिति कथितं यं विनाभावमेति

सर्वत्रावस्थितत्वात्तदनुभव इति स्वादनाद्योऽद्वयः सः ॥ ४

भात्यस्त्यानन्दरूपोऽसदसुखजडतारूपदृश्येऽस्ति यो वै

नित्यो नित्यादिकानां भवति किल तथा चेतनश्चेतनानाम् ।

सर्वस्यैतस्य माया-कृतसुखमिह यत् प्रार्थ्यते तद्गणेशो

यस्तं सर्वादिभूतं भजत जगति भोः सारभूतं वरेण्यम् ॥ ५

नित्यं यन्निर्विकारं निरतिशयसुखं ब्रह्मतन्मत्स्वरूपं

ज्ञात्वा विश्वातिभूतः सकलविदलयन् स्वार्चिषा स्वस्थ आसे ।

माया तत्कार्य-मेतत्स्पृशति न मयि वा दृश्यते नाऽविरासीन्

मायायाः सर्वशक्तेः पर इति सततं यः स एवाद्वयोऽहम् ॥ ६

ब्रह्मानन्दकरोऽयमात्ममतिदः श्रीढुण्ढिराजस्तवो

विघ्नाघौघघनप्रचण्डपवनः कामेभपञ्चाननः ।

मायाव्याकुलप्रमत्तमरुडो मोहाटवीहव्यवाड्अ ज्ञानान्धनिवारणैकतरणिर्भेदाब्धिकुम्भोद्भवः ॥ ७

इति श्रीभगवता श्रीधरस्वामीना विरचितं

विघ्नविनाशकस्तोत्रं सम्पूर्णम् ॥ !।!!!! Astrologer Gyanchand Bundiwal. Nagpur । M.8275555557 !!!