अन्नपूर्णा स्तोत्र ,, Annapoorna Stotram

अन्नपूर्णा स्तोत्र ,, Annapoorna Stotram

नित्यानन्दकरी वराभयकरी सौंदर्यरत्नाकरी l

निर्धूताखिल-घोरपावनकरी प्रत्यक्षमाहेश्वरी l
प्रालेयाचल-वंशपावनकरी काशीपुराधीश्वरी l
भिक्षां देहि कृपावलम्बनकरी माताऽन्नपुर्णेश्वरी ll
नानारत्न-विचित्र-भूषणकरी हेमाम्बराडम्बरी l
मुक्ताहार-विलम्बमान विलसद्वक्षोज-कुम्भान्तरी l
काश्मीराऽगुरुवासिता रुचिकरी काशीपुराधीश्वरी l
भिक्षां देहि कृपावलम्बनकरी माताऽन्नपूर्णेश्वरी ll
योगानन्दकरी रिपुक्षयकरी धर्माऽर्थनिष्ठाकरी l
चन्द्रार्कानल-भासमानलहरी त्रैलोक्यरक्षाकरी l
सर्वैश्वर्य-समस्त वांछितकरी काशीपुराधीश्वरी l
भिक्षां देहि कृपावलम्बनकरी माताऽन्नपूर्णेश्वरी ll
कैलासाचल-कन्दरालयकरी गौरी उमा शंकरी l
कौमारी निगमार्थगोचरकरी ओंकारबीजाक्षरी l
मोक्षद्वार-कपाट-पाटनकरी काशीपुराधीश्वरी l
भिक्षां देहि कृपावलम्बनकरी माताऽन्नपूर्णेश्वरी ll
दृश्याऽदृश्य-प्रभूतवाहनकरी ब्रह्माण्डभाण्डोदरी l
लीलानाटकसूत्रभेदनकरी विज्ञानदीपांकुरी l
श्री विश्वेशमन प्रसादनकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी ll
उर्वी सर्वजनेश्वरी भगवती माताऽन्नपूर्णेश्वरी l
वेणीनील-समान-कुन्तलहरी नित्यान्नदानेश्वरी l
सर्वानन्दकरी दृशां शुभकरी काशीपुराधीश्वरी l
भिक्षां देहि कृपावलम्बनकरी माताऽन्नपूर्णेश्वरी ll
आदिक्षान्त-समस्तवर्णनकरी शम्भोस्त्रिभावाकरी l
काश्मीरा त्रिजलेश्वरी त्रिलहरी नित्यांकुरा शर्वरी l
कामाकांक्षकरी जनोदयकरी काशीपुराधीश्वरी l
भिक्षां देहि कृपावलम्बनकरी माताऽन्नपूर्णेश्वरी ll
देवी सर्वविचित्ररत्नरचिता दाक्षायणी सुंदरी l
वामस्वादु पयोधर-प्रियकरी सौभाग्यमाहेश्वरी l
भक्ताऽभीष्टकरी दशाशुभकरी काशीपुराधीश्वरी l
भिक्षां देहि कृपावलम्बनकरी माताऽन्नपूर्णेश्वरी ll
चर्न्द्रार्कानल कोटिकोटिसदृशा चन्द्रांशुबिम्बाधरी l
चन्द्रार्काग्नि समान-कुन्तलहरी चन्द्रार्कवर्णेश्वरी l
माला पुस्तक-पाश-सांगकुशधरी काशीपुराधीश्वरी l
शिक्षां देहि कृपावलम्बनकरी माताऽन्नपूर्णेश्वरी ll
क्षत्रत्राणकरी महाऽभयकरी माता कृपासागरी l
साक्षान्मोक्षरी सदा शिवंकरी विश्वेश्वरी श्रीधरी l
दक्षाक्रन्दकरी निरामयकरी काशीपुराधीश्वरी l
भिक्षां देहि कृपावलंबनकरी माताऽन्नपूर्णेश्वरी ll
अन्नपूर्णे सदा पूर्णे शंकरप्राणवल्लभे! l
ज्ञान वैराग्य-शिद्ध्‌यर्थं भिक्षां देहिं च पार्वति ll
माता च पार्वती देवी पिता देवो महेश्वरः l
बान्धवाः शिवभक्ताश्च स्वदेशो भुवनत्रयम्‌ ll

इति श्रीमच्छंकराचार्यविरचितमन्नपूर्णास्तोत्रं संपूर्णम्