श्री ललिता त्रिपुरसुन्दरी अपराध क्षमापण स्तोत्रम् ॥ shri lalita tripurasundarI aparadha kshamapana stotram

श्री ललिता त्रिपुरसुन्दरी अपराध क्षमापण स्तोत्रम् ॥

shri lalita tripurasundarI aparadha kshamapana stotram
https://goo.gl/maps/N9irC7JL1Noar9Kt5।,,,,,,,,,,,Astrologer Gyanchand Bundiwal M. 0 8275555557

कंजमनोहर पादचलन्मणि नूपुरहंस विराजिते

कंजभवादि सुरौघपरिष्टुत लोकविसृत्वर वैभवे ।

मंजुळवाङ्मय निर्जितकीर कुलेचलराज सुकन्यके

पालयहे ललितापरमेश्वरि मामपराधिनमंबिके ॥ १॥

एणधरोज्वल फालतलोल्लस दैणमदाङ्क समन्विते

शोणपराग विचित्रित कन्दुक सुन्दरसुस्तन शोभिते ।

नीलपयोधर कालसुकुन्तल निर्जितभृङ्ग कदम्बके

पालयहे ललितापरमेश्वरि मामपराधिनमंबिके ॥ २॥

ईतिविनाशिनि भीति निवारिणि दानवहन्त्रि दयापरे

शीतकराङ्कित रत्नविभूषित हेमकिरीट समन्विते ।

दीप्ततरायुध भण्डमहासुर गर्व निहन्त्रि पुरांबिके

पालयहे ललितापरमेश्वरि मामपराधिनमंबिके ॥ ३॥

लब्धवरेण जगत्रयमोहन दक्षलतांत महेषुणा

लब्धमनोहर सालविषण्ण सुदेहभुवापरि पूजिते ।

लंघितशासन दानव नाशन दक्षमहायुध राजिते

पालयहे ललितापरमेश्वरि मामपराधिनमंबिके ॥ ४॥

ह्रींपद भूषित पंचदशाक्षर षोडशवर्ण सुदेवते

ह्रीमतिहादि महामनुमंदिर रत्नविनिर्मित दीपिके ।

हस्तिवरानन दर्शितयुद्ध समादर साहसतोषिते

पालयहे ललितापरमेश्वरि मामपराधिनमंबिके ॥ ५॥

हस्तलसन्नव पुष्पसरेक्षु शरासन पाशमहांकुशे

हर्यजशम्भु महेश्वर पाद चतुष्टय मंच निवासिनि ।

हंसपदार्थ महेश्वरि योगि समूहसमादृत वैभवे

पालयहे ललितापरमेश्वरि मामपराधिनमंबिके ॥ ६॥

सर्वजगत्करणावन नाशन कर्त्रि कपालि मनोहरे

स्वच्छमृणाल मरालतुषार समानसुहार विभूषिते ।

सज्जनचित्त विहारिणि शंकरि दुर्जन नाशन तत्परे

पालयहे ललितापरमेश्वरि मामपराधिनमंबिके ॥ ७॥

कंजदळाक्षि निरंजनि कुंजर गामिनि मंजुळ भाषिते

कुंकुमपंक विलेपन शोभित देहलते त्रिपुरेश्वरि ।

दिव्यमतंग सुताधृतराज्य भरे करुणारस वारिधे

पालयहे ललितापरमेश्वरि मामपराधिनमंबिके ॥ ८॥

हल्लकचम्पक पंकजकेतक पुष्पसुगंधित कुंतले

हाटक भूधर शृंगविनिर्मित सुंदर मंदिरवासिनि ।

हस्तिमुखाम्ब वराहमुखीधृत सैन्यभरे गिरिकन्यके

पालयहे ललितापरमेश्वरि मामपराधिनमंबिके ॥ ९॥

लक्ष्मणसोदर सादर पूजित पादयुगे वरदेशिवे

लोहमयादि बहून्नत साल निषण्ण बुधेश्वर सम्युते ।

लोलमदालस लोचन निर्जित नीलसरोज सुमालिके

पालयहे ललितापरमेश्वरि मामपराधिनमंबिके ॥ १०॥

ह्रीमितिमंत्र महाजप सुस्थिर साधकमानस हंसिके

ह्रींपद शीतकरानन शोभित हेमलते वसुभास्वरे ।

हार्दतमोगुण नाशिनि पाश विमोचनि मोक्षसुखप्रदे

पालयहे ललितापरमेश्वरि मामपराधिनमंबिके ॥ ११॥

सच्चिदभेद सुखामृतवर्षिणि तत्वमसीति सदादृते

सद्गुणशालिनि साधुसमर्चित पादयुगे परशाम्बवि ।

सर्वजगत् परिपालन दीक्षित बाहुलतायुग शोभिते

पालयहे ललितापरमेश्वरि मामपराधिनमंबिके ॥ १२॥

कंबुगळे वर कुंदरदे रस रंजितपाद सरोरुहे

काममहेश्वर कामिनि कोमल कोकिल भाषिणि भैरवि ।

चिंतितसर्व मनोहर पूरण कल्पलते करुणार्णवे

पालयहे ललितापरमेश्वरि मामपराधिनमंबिके ॥ १३॥

लस्तकशोभि करोज्वल कंकणकांति सुदीपित दिङ्मुखे

शस्ततर त्रिदशालय कार्य समादृत दिव्यतनुज्वले ।

कश्चतुरोभुवि देविपुरेशि भवानि तवस्तवने भवेत्

पालयहे ललितापरमेश्वरि मामपराधिनमंबिके ॥ १४॥

ह्रींपदलांचित मंत्रपयोदधि मंथनजात परामृते

हव्यवहानिल भूयजमानक खेंदु दिवाकर रूपिणि ।

हर्यजरुद्र महेश्वर संस्तुत वैभवशालिनि सिद्धिदे

पालयहे ललितापरमेश्वरि मामपराधिनमंबिके ॥ १५॥

श्रीपुरवासिनि हस्तलसद्वर चामरवाक्कमलानुते

श्रीगुहपूर्व भवार्जित पुण्यफले भवमत्तविलासिनि ।

श्रीवशिनी विमलादि सदानत पादचलन्मणि नूपुरे

पालयहे ललितापरमेश्वरि मामपराधिनमंबिके ॥ १६॥

,Astrologer Gyanchand Bundiwal M. 0 8275555557

॥ इति श्रीललितात्रिपुरसुंदरी अपराध

क्षमापणस्तोत्रं सम्पूऱ्णम् ॥