वेंकटेश मंगलाशासनम् श्री वेंकटेश मंगलाशासनम्

श्री वेंकटेश मंगलाशासनम्
 श्रियः कांताय कल्याणनिधये निधये‌ र्थिनाम् । श्रीवेंकट निवासाय श्रीनिवासाय मंगलम् ॥ १ ॥
लक्ष्मी सविभ्रमालोक सुभ्रू विभ्रम चक्षुषे । चक्षुषे सर्वलोकानां वेंकटेशाय मंगलम् ॥ २ ॥
श्रीवेंकटाद्रि शृंगाग्र मंगलाभरणांघ्रये । मंगलानां निवासाय श्रीनिवासाय मंगलम् ॥ ३ ॥
सर्वावय सौंदर्य संपदा सर्वचेतसाम् । सदा सम्मोहनायास्तु वेंकटेशाय मंगलम् ॥ ४ ॥
नित्याय निरवद्याय सत्यानंद चिदात्मने । सर्वांतरात्मने शीमद्-वेंकटेशाय मंगलम् ॥ ५ ॥
स्वत स्सर्वविदे सर्व शक्तये सर्वशेषिणे । सुलभाय सुशीलाय वेंकटेशाय मंगलम् ॥ ६ ॥
परस्मै ब्रह्मणे पूर्णकामाय परमात्मने । प्रयुंजे परतत्त्वाय वेंकटेशाय मंगलम् ॥ ७ ॥
आकालतत्त्व मश्रांत मात्मना मनुपश्यताम् । अतृप्त्यमृत रूपाय वेंकटेशाय मंगलम् ॥ ८ ॥
प्रायः स्वचरणौ पुंसां शरण्यत्वेन पाणिना । कृपया‌ दिशते श्रीमद्-वेंकटेशाय मंगलम् ॥ ९ ॥
दया‌ मृत तरंगिण्या स्तरंगैरिव शीतलैः । अपांगै स्सिंचते विश्वं वेंकटेशाय मंगलम् ॥ १० ॥
स्रग्-भूषांबर हेतीनां सुषमा‌ वहमूर्तये । सर्वार्ति शमनायास्तु वेंकटेशाय मंगलम् ॥ ११ ॥
श्रीवैकुंठ विरक्ताय स्वामि पुष्करिणीतटे । रमया रममाणाय वेंकटेशाय मंगलम् ॥ १२ ॥
श्रीमत्-सुंदरजा मातृमुनि मानसवासिने । सर्वलोक निवासाय श्रीनिवासाय मंगलम् ॥ १३ ॥
मंगला शासनपरैर्-मदाचार्य पुरोगमैः । सर्वैश्च पूर्वैराचार्यैः सत्कृतायास्तु मंगलम् ॥ १४ ॥
श्री पद्मावती समेत श्री श्रीनिवास परब्रह्मणे नमः