दारिद्र्यदहन शिवस्तोत्र

दारिद्र्यदहन शिवस्तोत्र ॥
विश्वेश्वराय नरकार्णवतारणाय,कर्णामृताय शशिशेखरधारणाय ।
कर्पूरकांतिधवलाय जटाधराय,दारिद्र्यदुःखदहनाय नमः शिवाय ॥
गौरीप्रियाय रजनीशकलाधराय,कालांतकाय भुजगाधिपकंकणाय ।
गंगाधराय गजराजविमर्दनाय,दारिद्र्यदुःखदहनाय नमः शिवाय ॥
भक्तिप्रियाय भवरोगभयापहाय,उग्राय दुर्गभवसागरतारणाय ।
ज्योतिर्मयाय गणनाथसुनृत्यकाय,दारिद्र्यदुःखदहनाय नमः शिवाय ॥
चर्माम्बराय शवभस्मविलेपनाय,भालेक्षणाय मणिकुंडलमंडिताय ।
मंजिरपादयुगलाय जटाधराय,दारिद्र्यदुःखदहनाय नमः शिवाय ॥
पंचाननाय फणिराजविभूषणाय,हेमांशुकाय भुवनत्रयमंडिताय ।
आनंदभूमिवरदाय तपोमयाय,दारिद्र्यदुःखदहनाय नमः शिवाय ॥
भानुप्रियाय भवसागरतारणाय,कालांतकाय कमलासनपूजिताय ।
नेत्रत्रयाय शुभलक्षणलक्षिताय,दारिद्र्यदुःखदहनाय नमः शिवाय ॥
रामप्रियाय रघुनाथवरप्रदाय,नागप्रियाय नरकार्णवतारणाय ।
पुण्येषु पुण्यभरिताय सुरार्चिताय,दारिद्र्यदुःखदहनाय नमः शिवाय ॥
मुक्तेश्वराय फलदाय गणेश्वराय,गीतप्रियाय वृषभेश्वरवाहनाय ।
मातंगचर्मवसनाय महेश्वराय,दारिद्र्यदुःखदहनाय नमः शिवाय ॥
वसिष्ठेन कृतं स्तोत्र सर्वरोगनिवारणम्,सर्वसंपत्करं शीघ्रं पुत्रपौत्रादिवर्धनं ।
त्रिसंध्ययः पठेन्नित्यं स हि स्वर्गमवाप्नुयात्,दारिद्र्यदुःखदहनाय नमः शिवाय ॥
इति वसिष्ठविरचितं दारिद्र्यदहन स्तोत्रं सम्पूर्णम् ॥॥ हर हर महादेव ॥
!!!! Astrologer Gyanchand Bundiwal. Nagpur । M.8275555557 !!!