श्री सरस्वती सुप्रभातम्

श्री सरस्वती सुप्रभातम्
उत्तिष्ठोत्तिष्ठ! हे वाणि! उत्तिष्ठ! हंसिनीध्वजे ।
उत्तिष्ठ! ब्रह्मणो राज्ञि! त्रैलोक्यं मङ्गलं कुरु ॥ १॥https://goo.gl/maps/N9irC7JL1Noar9Kt5।,,,,,,,,,,,Astrologer Gyanchand Bundiwal M. 0 8275555557
जागृहि त्वं महादेवि! जागृहि त्वं सरस्वति! ।
जागृहि त्वं चतुर्वेदि! लोकरक्षाविधिं कुरु! ॥ २॥
लोकाः सर्वे शुचाम्भोधौ निमग्नास्तान् समुद्धर!
त्वमेवैका स्वयंव्यक्ता समर्था सिकताभवा! ॥ ३
श्रीवाणि! सर्वजगतां जननि! प्रमोदे!
जिह्वाग्रवासिनि मनोहरि वेधसस्त्वम् ।
वाञ्छाप्रदायिनि! समाश्रितभक्तकोटेः
श्रीपद्मजातदयिते! तव सुप्रभातम्! ॥ ४॥
तव सुप्रभातमखिलार्थदायिनि!
कमनीयगात्रि! करुणातरङ्गिणि!
कमलायताक्षि! वदनेन्दुमण्डले !
परमेष्ठिदेवि! सुरसुन्दरीसुते! ॥ ॥ ५॥
श्रीव्यासपूजितपदाम्बुजकोमलाङ्गि!
कार्तस्वराञ्चितविशेषविभूषिताङ्गि! ।
प्रालेयमौक्तिकशशाङ्कसुशोभिताङ्गि!
श्रीवाणि! वासरपुरे! तव सुप्रभातम् ॥ ६॥
श्रीगौतमीतटसमीकृतसैकतेन
व्यासेन सेचनसमाहित श्रीकरैश्च ।
श्रीषोडशी मनुजसेन निरूपिता त्वं
श्रीवाणि! वासरपुरे! तव सुप्रभातम्! ॥ ७॥
वल्लीत्रयान्तरसुचक्रसमर्चनेन var सुचित्र
श्रीमन्त्रवाग्भवसमुच्चय कूटदेशे! ।
व्यक्तासि रक्षितुमितः स्वयमेव देवि ।
श्रीवाणि! वासरपुरे! तव सुप्रभातम्! ॥ ८॥
श्रीमन्त्रराजतनुबीजविराजमानां
ओङ्कारतत्त्वविशदाय गृहीतमूर्तिम्! ।
त्वां पण्डिता भुवि भजन्ति सरस्वतीति
श्रीवाणि! वासरपुरे! तव सुप्रभातम्! ॥ ९॥
ओङ्कारपञ्जरशुकीं निगमान्त वेद्यां!
ह्रीं मातृकावरण श्रींयुत ब्लूञ्च सौरैम् ।
क्लीं सौश्च सैङ्गतदशाक्षरदेवि वन्दे
श्रीवाणि! वासरपुरे! तव सुप्रभातम्! ॥ १०॥
संसारतारकमहामनुबीजवर्णां
मायामयीं गुणमयीं सगुणोद्भवां त्वाम् ।
शक्तित्रयात्मकचितीति जपन्ति बुद्धाः
श्रीवाणि! वासरपुरे! तव सुप्रभातम्! ॥ ११॥
सौन्दर्यवारधितरङ्ग परम्परायां
वेलानिरूपकमनोहरदेहदीपे ।
सर्वोपमाननिचयस्य समोपमेये
श्रीवाणि! वासरपुरे! तव सुप्रभातम्! ॥ १२॥

सङ्गीतवाङ्मयकलाप्तसुहासनेत्रि!
रागैश्च षोडशसहस्रविधैश्च गीते ।
आनन्ददायकरसैर्खनिभिश्च पूर्णे
श्रीवाणि! वासरपुरे! तव सुप्रभातम्! ॥ १३॥

सौभाग्यदे! त्वमिह विद्रुमवर्णलक्ष्मीः
विद्याप्रदे! त्वमिह धौतसुधांशुवाणि ।
शत्रुञ्जये! त्वमिह नीलतमालकाळी
श्रीवाणि! वासरपुरे! तव सुप्रभातम्! ॥ १४॥

श्रीचक्रमन्दिरविहारिणि! राज्यलक्ष्मि!
राकासुधाकरशिरोमणि! नीलवेणि! ।
राजीवलोचनशिरीषसुमाग्रनासे ।
श्रीवाणि! वासरपुरे! तव सुप्रभातम्! ॥ १५॥

कौमारशैलशिखरे सुखवासयोग्ये
सूर्येन्द्रविष्णुशिवपुत्रगणेशमुख्यैः ।
वासिष्ठवारुणिवरैश्च सुपूततीर्थे
श्रीवाणि! वासरपुरे! तव सुप्रभातम्! ॥ १६॥

अष्टाब्जपुञ्जितविशेषवयोविलासे!
बिम्बाधराञ्चितसुहासविलासरेखे/नेत्रे! ।
कारुण्यपूरितदृगञ्चलरम्यमूर्ते
श्रीवाणि! वासरपुरे! तवसुप्रभातम्! ॥ १७॥

औदुम्बराख्यतरुमूलपवित्रदेशे
दत्तावधूतयतिरत्र गृहीतदीक्षः ।
जप्त्वा त्वदीयशुभनाम बभूव सिद्धः
श्रीवाणि ! वासरपुरे! तव सुप्रभातम्! ॥ १८॥

प्रत्यूषरञ्जितनवार्कमरीचिपुञ्जाः
प्रान्तप्रशान्तप्रकृतिं रमणीयदृश्याम् ।
सम्भावयन्ति च विरच्य सरस्वतीह
श्रीवाणि! वासरपुरे! तव सुप्रभातम्! ॥ १९॥

नित्यं तवार्चकसुधीश्च मुखारविन्दं
श्रीखण्डचूर्णहरितालसुगन्धतीर्थैः ।
ब्राह्मे मुहूर्तसमये रचनां करोति
श्रीवाणि! वासरपुरे! तव सुप्रभातम्! ॥ ! २०॥

सप्तस्वराञ्चितमनोहरनादयुक्तैः
प्राभातकालिकसुनादविनोदरागैः ।
गायन्ति कोकिलमयूरमरालचक्राः
श्रीवाणि! वासरपुरे! तव सुप्रभातम्! ॥ २१॥

दीक्षाविधाननियमानुसरेण भक्ताः
गत्वा पुरे भवति! देहि घृणाक्षभिक्षम् ।
याचन्ति तानिति गृहस्थतदात्मरूपान्
श्रीवाणि! वासरपुरे! तव सुप्रभातम्! ॥ २२॥

योगीशमानससरोवरराजहंसि!
भक्तालिमानससरोजविहारभृङ्गि! ।
श्रीचक्रषोडशमहामनुबीजवासे
श्रीवाणि! वासरपुरे! तव सुप्रभातम्! ॥ २३॥

ज्ञानात्मिके! विविधवस्तुविवेकरूपे!
इच्छात्मिके! भगवदात्मसमानरूपे! ।
यत्नात्मिके! परमधाम समात्तरूपे
श्रीवाणि! वासरपुरे! तव सुप्रभातम्! ॥ २४॥

शिञ्जानकङ्कणनिनादविनोदपाणे!
वीणाविवादनविजृम्भितपूर्णरागे! ।
विन्यस्तहस्तभ्रुकुटीचुबुकाक्षिवत्से
श्रीवाणि! वासरपुरे! तव सुप्रभातम्! ॥ २५॥

कूजन्ति देवि! चरणायुधपक्षिसङ्घाः!
गायन्ति देवि! तव मागधवन्दिवृन्दाः ।
अर्चन्ति देवि! भुवि वैदिककाव्यशिष्याः
श्रीवाणि! वासरपुरे! तव सुप्रभातम्! ॥ २६॥

दिव्यापगाविकसिताच्छसुवर्णपुष्पाः
हस्ताश्च मन्त्रपठनानुरणेन देवाः ।
तिष्ठन्ति देवि! तव मन्दिरमुख्यमार्गे ।
श्रीवाणि! वासरपुरे! तव सुप्रभातम् ॥ २७॥

दिक्पालकाश्च तव पीठककोणदेशे
श्रीचक्रमन्दिरनवावरणेषु देवाः ।
स्थित्वा च मङ्गलपुरश्चरणं पठन्ति
श्रीवाणि! वासरपुरे! तव सुप्रभातम्! ॥ २८॥

इत्थं सरस्वति! कृतं चिनवेङ्कनेन
वेदान्तमन्त्रजपपाठविधानपूर्वम् ।
पारायणेन च पवित्रचरित्रगानं
पुण्यावहं सकलमङ्गलसुप्रभातम्! ॥ २९॥
!!!! Astrologer Gyanchand Bundiwal. Nagpur । M.8275555557 !!
इति श्री सरस्वती सुप्रभातं समाप्त्म् ॥

श्री गायत्री सुप्रभातम् shri gayatrI suprabhatam

श्री गायत्री सुप्रभातम् shri gayatrI suprabhatam
श्री पातूरि सीतारामांजनेयुलु कृत
श्रीरस्तु ॥https://goo.gl/maps/N9irC7JL1Noar9Kt5।,,,,,,,,,,,Astrologer Gyanchand Bundiwal M. 0 8275555557
श्री जानिरद्रितनयापतिरब्जगर्भः
सर्वे च दैवतगणाः समहर्षयोऽमी ।
एते भूतनिचयाः समुदीरयन्ति
गायत्रि - लोकविनुते तव सुप्रभातम् ॥ १॥

पुष्पोच्चयप्रविलसत्करकंजयुग्माम्
गंगादिदिव्यतटिनीवरतीरदेशे- ।
ष्वर्घ्यम् समर्पयितुमत्रजनास्तवैते
गायत्रि - लोकविनुते - तव सुप्रभातम् ॥ २॥

कर्णेऽमृतम् विकिरता स्वरसंचयेन
सर्वे द्विजाः श्रुतिगणम् समुदीरयन्ति ।
पश्याश्रमासथ वृक्षतलेषु देवि
गायति -लोकविनुते -तव सुप्रभातम् ॥ ४॥

गावो महर्षिनिचयाश्रम भूमिभागात्
गन्तुम् वनाय शनकैः शनकैः प्रयान्ति ।
वत्सान् पयोऽमृतरसम् ननु पाययित्या
गायत्रि - लोकविनुते - तव सुप्रभातम् ॥ ४॥

शिष्य प्रबोधनपरा वर मौनि मुख्याः
व्याख्यान्ति वेदगदितम् स्फुट धर्म ततत्त्वम् ।
स्वीयाश्रमाङ्गणतलेषु मनोहरेषु
गायत्रि - लोकविनुते - तव सुप्रभातम् ॥ ५॥

श्रोत्रामृतम् श्रुतिरवम् कलयन्त एते
विस्मृत्य गन्तुमटवीम् फललाभलोभात् ।
वृक्षाग्र भूमिषु वनेषु लसन्ति कीराः
गायत्रि - लोकविनुते - तव सुप्रभातम् ॥ ६॥

मूर्तित्रयात्मकलिते निगम त्रयेण
वेद्ये स्वरत्रय परिस्फुट मन्तरूपे
तत्त्वप्रबोधनपरोपनिषत्प्रपञ्चे
गायत्रि - लोकविनुते - तव सुप्रभातम् ॥ ७॥

विश्वात्मिके निगमशीर्षवतंसरूपे
सर्वागमान्तरुदिते वरतैजसात्मन् ।
प्राज्ञात्मिके सृजनपोषणसंहृतिस्थे
गायत्रि - लोकविनुते - तव सुप्रभातम् ॥ ८॥

तुर्यात्मिके सकलतत्त्वगणानतीते
आनन्दभोगकलिते परमार्धदत्रि
ब्रह्मानुभूतिवरदे सततम् जनानाम् ।
गायत्रि - लोकविनुते -सुप्रभातम् ॥ ९॥

तारस्वरेण मधुरम् परिगीयमाने
मन्द्रस्वरेण मधुरेण च मध्यमेन ।
गानात्मिके निखिललोक मनोज्ञ भावे
गायत्रि - लोकविनुते - तव सुपभातम् ॥ १०॥

पापाटवी दहन जागृत मानसा त्वम्
भक्तौघ पालन निरंतर दीक्षिताऽसि ।
त्वय्येव विश्वमखिलम् स्थिरतामुपैति
गायत्रि - लोकविनुते - तव सुप्रभातम् ॥ ११॥

या वैदिकी निखिल पावन पावनी वाक्
या लौकिकी व्यवहृति प्रवणा जनानाम् ।
या काव्यरूप कलिता तव रूप मेताः
गायत्रि - लोकविनुते - तव सुप्रभातम् ॥ १२॥

दिव्यम् विमानमधिरुह्य नभोङ्गणेऽत्र
गायन्ति दिव्य महिमानमिमे भवत्याः ।
पश्य प्रसीद निचया दिविजाङ्गनानाम्
गायत्रि - लोकविनुते - तव सुप्रभातम् ॥ १३॥

हैमीम् रुचम् सकल भूमिरुहाग्रदेशे-
ष्वाधाय तत्कृत परोपकृतौ प्रसन्नः ।
भानुः करोत्यवसरे कनकाभिषेकम्
गायत्रि - लोकविनुते - तव सुप्रभातम् ॥ १४॥

दिव्यापगासु सरसीषु वनी निकुङ्जे-
षूच्चावचानि कुसुमानि मनोहराणि ।
पुल्लानि सन्ति परितस्तव पूजनाय
गायत्रि - लोकविनुते - तव सुप्रभातम् ॥ १५॥

कुर्वन्ति पक्षिनिचयाः कलगानमेते
वृक्षाग्रमुन्नततरासनमाश्रयन्तः
देवि - त्वदीय महिमानमुदीरयन्तो
गायत्रि - लोकविनुते - तव सुप्रभातम् ॥ १६॥

विश्वेशि - विष्णुभगिनि - श्रुतिवाक्स्वरूपे -
तन्मात्रिके - निखिलमन्तमयस्वरूपे -
गानात्मिके - निखिलतत्त्वनिजस्वरूपे -
गायत्रि - लोकविनुते - तव सुप्रभातम् ॥ १७॥

तेजोमयि - त्रिभुवनावनसक्तचित्ते -
सन्धात्मिके - सकल काल कला स्वरूपे -
मृत्युंजये - जयिनि - नित्यनिरंतरात्मन् -
गायत्रि - लोकविनुते - तव सुप्रभातम् ॥ १८॥

त्वामेव देवि - परितो निखिलानि तन्त्रा-
ण्याभाति तत्त्वमखिलम् भवतीम् विवृण्वत् ।
त्वम् सर्वदाऽसि तरुणारुणदिव्यदेहे -
गायत्रि - लोकविनुते - तव सुप्रभातम् ॥ १९॥

नित्याऽसि देवि - भवती निखिले प्रपञ्चे
वन्द्याऽसि सर्व भुवनैः सततोद्यतासि ।
धी प्रेरिकाऽसि भुवनस्य चराचरस्य
गायत्रि - लोकविनुते - तव सुप्रभातम् ॥ २०॥

वन्दामहे भगवतीम् भवतीम् भवाब्धि-
सन्तारिणीम् त्रिकरणैः करुणामृताब्दे-
सम्पश्य चिन्मयतनो - करुणार्द्रदृष्ट्या
गायत्रि - लोकविनुते - तव सुप्रभातम् ॥ २१॥

त्वम् मातृकामयतनुः परम प्रभावा
त्वय्येव देवि - परमः पुरुषः पुराणः ।
त्वत्तः समस्त भुवनानि समुल्लसन्ति
गायत्रि - लोकविनुते - तव सुप्रभातम् ॥ २२॥

त्वम् वै प्रसूर्निखिलदेवगणस्य देवि
त्वम् स्तूयसे त्रिषवणम् निखिलैश्च लोकैः ।
त्वम् देश काल परमार्थ परिस्फुटासि
गायत्रि - लोकविनुते - तव सुप्रभातम् ॥ २३॥

त्वम् गाधिसूनु परमर्षि वरेण दृष्टा
तेजोमयी सवितुरात्ममयाखिलार्था ।
सर्वार्थदा प्रणत भक्त जनस्य शश्वत्
गायत्रि - लोकविनुतो - तव सुप्रभातम् ॥ २४॥

संकल्प्य लोकमखिलम् मनसैव सूषे
कारुण्यभाव कलिताऽवसि लोकमाता ।
कोपान्विता तमखिलम् कुरुषे प्रलीनम्
गायत्रि - लोकविनुते - तव सुप्रभातम् ॥ २५॥

मुक्ताभ विद्रुम सुवर्ण महेन्द्र नील
श्वेतप्रभैर् भुवन रक्षण बुद्धि दीक्षैः ।
वक्त्रैर्युते - निगम मातरुदारसत्त्वे
गायत्रि - लोकविनुते - तव सुप्रभातम् ॥ २६॥

कारुण्य वीचि निचयामल कान्ति कान्ताम्
ब्रह्मादि सर्व दिविजेड्य महाप्रभावाम् ।
प्रीत्या प्रसारय दृशम् मयि लोकमातः
गायत्रि - लोकविनुते - तव सुप्रभातम् ॥ २७॥

श्री लक्ष्मणादि गुरु सत्करुणैकलब्ध-
विद्या विनीत मतियानय माङनेयः ।
संसेवतेऽत्रभवतीम् भुवतीम् वचोभिः
गायत्रि - लोकविनुते - तव सुप्रभातम् ॥ २८॥
!!!! Astrologer Gyanchand Bundiwal. Nagpur । M.8275555557 !!
इति सीतारामाङ्जनेय कवि कृत गायत्री सुप्रभातम् ॥

उडुपि श्रीकृष्ण सुप्रभातम् ..udupi shri krishna suprabhatam

उडुपि श्रीकृष्ण सुप्रभातम् ..udupi shri krishna suprabhatam

उत्तिष्ठोत्तिष्ठ गोविन्द उत्तिष्ठ गरुडध्वज ।

उत्तिष्ठ कमलाकान्त त्रैलोक्यं मङ्गलं कुरु ॥॥

नारायणाखिल शरण्य रथाङ्ग पाणे ।

प्राणायमान विजयागणित प्रभाव ।

गीर्वाणवैरि कदलीवन वारणेन्द्र ।

मध्वेश कृष्ण भगवन् तव सुप्रभातं ॥ १॥

उत्तिष्ठ दीन पतितार्तजनानुकम्पिन् ।

उत्तिष्ठ विश्व रचना चतुरैक शिल्पिन् ।

उत्तिष्ठ वैष्णव मतोद्भव धामवासिन् ।

मध्वेश कृष्ण भगवन् तव सुप्रभातम् ॥ २॥

उत्तिष्ठ पातय कृपामसृणान् कटाक्षान् ।

उत्तिष्ठ दर्शय सुमङ्गल विग्रहन्ते ।

उत्तिष्ठ पालय जनान् शरणं प्रपन्नान् ।

मध्वेश कृष्ण भगवन् तव सुप्रभातम् ॥ ३॥

उत्तिष्ठ यादव मुकुन्द हरे मुरारे ।

उत्तिष्ठ कौरवकुलान्तक विश्वबन्धो ।

उत्तिष्ठ योगिजन मानस राजहंस ।

मध्वेश कृष्ण भगवन् तव सुप्रभातम् ॥ ४॥

उत्तिष्ठ पद्मनिलयाप्रिय पद्मनाभ ।

पद्मोद्भवस्य जनकाच्युत पद्मनेत्र ।

उत्तिष्ठ पद्मसख मण्डल मध्यवर्तिन् ।

मध्वेश कृष्ण भगवन् तव सुप्रभातम् ॥ ५॥

मध्वाख्यया रजतपीठपुरेवतीर्णः ।

त्वत्कार्य साधनपटुः पवमान देवः ।

मूर्तेश्चकार तव लोकगुरोः प्रतिष्ठां ।

मध्वेश कृष्ण भगवन् तव सुप्रभातम् ॥ ६॥

सन्यास योगनिरताश्रवणादिभिस्त्वां ।

भक्तेर्गुणैर्नवभिरात्म निवेदनान्तैः ।

अष्टौयजन्ति यतिनो जगतामधीशं ।

मध्वेश कृष्ण भगवन् तव सुप्रभातम् ॥ ७॥

या द्वारकापुरि पुरातव दिव्यमूर्तिः ।

सम्पूजिताष्ट महिषीभिरनन्य भक्त्या ।

अद्यार्चयन्ति यतयोष्टमठाधिपास्तां ।

मध्वेश कृष्ण भगवन् तव सुप्रभातम् ॥ ८॥

वामेकरे मथनदण्डमसव्य हस्ते ।

गृह्णंश्च पाशमुपदेष्टु मना इवासि ।

गोपालनं सुखकरं कुरुतेति लोकान् ।

मध्वेश कृष्ण भगवन् तव सुप्रभातम् ॥ ९॥

सम्मोहिताखिल चराचररूप विश्व ।

श्रोत्राभिराममुरली मधुरारवेण ।

आधायवादयकरेण पुनश्चवेणुं ।

मध्वेश कृष्ण भगवन् तव सुप्रभातम् ॥ १०॥

गीतोष्णरश्मिरुदयन्वहनोदयाद्रौ ।

यस्याहरत्सकललोकहृदान्धकारं ।

सत्वं स्थितो रजतपीठपुरे विभासी ।

मध्वेश कृष्ण भगवन् तव सुप्रभातम् ॥ ११॥

कृष्णेति मङ्गलपदं कृकवाकुवृन्दं ।

वक्तुं प्रयत्य विफलं बहुशः कुकूकुः ।

त्वां सम्प्रबोधयितुमुच्चरतीतिमन्ये ।

मध्वेश कृष्ण भगवन् तव सुप्रभातम् ॥ १२॥

भृङ्गापिपासव इमे मधु पद्मषन्दे ।

कृष्णार्पणं सुमरसो स्वितिहर्षभाजः ।

झङ्कार राव मिषतः कथयन्ति मन्ये ।

मध्वेश कृष्ण भगवन् तव सुप्रभातम् ॥ १३॥

निर्यान्ति शावक वियोगयुता विहङ्गाः ।

प्रीत्यार्भकेशु च पुनः प्रविशन्ति नीडं ।

धावन्ति सस्य कणिकानुपचेतु मारात् ।

मध्वेश कृष्ण भगवन् तव सुप्रभातम् ॥ १४॥

भूत्वातिथिः सुमनसामनिलः सुगन्धं ।

सङ्गृह्यवाति जनयन् प्रमदं जनानां ।

विश्वात्मनोर्चनधियातव मुञ्च निद्रां ।

मध्वेश कृष्ण भगवन् तव सुप्रभातम् ॥ १५॥

तारालि मौक्तिक विभूषण मण्डिताङ्गी ।

प्राचीदुकूल मरुणं रुचिरं दधान ।

खेसौखसुप्तिक वधूरिव दृश्यतेद्य ।

मध्वेश कृष्ण भगवन् तव सुप्रभातम् ॥ १६॥

आलोक्य देह सुषमां तव तारकालिः ।

ह्रीणाक्रमेण समुपेत्य विवर्णभावं ।

अन्तर्हितेवनचिरात्यज शेषशय्यां ।

मध्वेश कृष्ण भगवन् तव सुप्रभातम् ॥ १७॥

साध्वीकराब्जवलयध्वनिनासमेतो ।

गानध्वनिः सुदधि मन्थन घोष पुष्टः ।

संश्रूयते प्रतिग्रहं रजनी विनष्टा ।

मध्वेश कृष्ण भगवन् तव सुप्रभातम् ॥ १८॥

भास्वानुदेश्यति हिमांशुर भूद्गतश्रीः ।

पूर्वान्दिशामरुणयन् समुपैत्यनूरुः ।

आशाः प्रसाद सुभगाश्च गतत्रियामा ।

मध्वेश कृष्ण भगवन् तव सुप्रभातम् ॥ १९॥

आदित्य चन्द्र धरणी सुत रौहिणेय ।

जीवोशनः शनिविधुं तुदकेतवस्ते ।

दासानुदास परिचारक भृत्य भृत्य ।

मध्वेश कृष्ण भगवन् तव सुप्रभातम् ॥ २०॥

इन्द्राग्नि दण्डधर निर्रिति पाशिवायु ।

वित्तेश भूत पतयो हरितामधीशाः ।

आराधयन्ति पदवी च्युति शङ्कया त्वाम् ।

मध्वेश कृष्ण भगवन् तव सुप्रभातम् ॥ २१॥

वीणां सती कमलजस्य करे दधाना ।

तन्त्र्यागलस्य चरवे कलयन्त्य भेदं ।

विश्वं निमज्जयति गानसुधारसाब्धौ ।

मध्वेश कृष्ण भगवन् तव सुप्रभातम् ॥ २२॥

देवर्षिरंबर तलादवनीं प्रपन्नः ।

त्वत्सन्निधौ मधुरवादित चारु वीणा ।

नामानिगायति नत स्फुरितोत्तमाङ्गो ।

मध्वेश कृष्ण भगवन् तव सुप्रभातम् ॥ २३॥

वातात्मजः प्रणत कल्प तरुर्हनूमान् ।

द्वारे कृताञ्जलि पुटस्तवदर्शनार्थी ।

तिष्ठत्यमुं कुरुकृतार्थमपेत निद्रं ।

मध्वेश कृष्ण भगवन् तव सुप्रभातम् ॥ २४॥

सर्वोत्तमो हरिरिति श्रुतिवाक्य वृन्दैः ।

चन्द्रेश्वर द्विरदवक्त्र षडाननाद्याः ।

उद्घोशयन्त्य निमिषा रजनी प्रभात ।

मध्वेश कृष्ण भगवन् तव सुप्रभातम् ॥ २५॥

मध्वाभिदे सरसि पुण्यजले प्रभाते ।

गङ्गेंभ सर्वमघमाशु हरेति जप्त्वा ।

मज्जन्ति वैदिक शिखामणयो यथावन् ।

मध्वेश कृष्ण भगवन् तव सुप्रभातम् ॥ २६॥

द्वारे मिलन्ति निगमान्त विदस्त्रयीज्ञाः ।

मीमांसकाः पदविदोनयदर्शनज्ञाः ।

गान्धर्ववेद कुशलाश्च तवेक्षणार्थं ।

मध्वेश कृष्ण भगवन् तव सुप्रभातम् ॥ २७॥

श्री मध्वयोगि वरवन्दित पादपद्म ।

भैष्मी मुखांभोरुह भास्कर विश्ववन्द्य ।

दासाग्रगण्य कनकादिनुत प्रभाव ।

मध्वेश कृष्ण भगवन् तव सुप्रभातम् ॥ २८॥

पर्याय पीठ मधिरुह्य मठाधिपास्त्वां ।

अष्टौ भजन्ति विधिवत् सततं यतीन्द्राः ।

श्री वादिराजनियमान् परिपालयन्तो ।

मध्वेश कृष्ण भगवन् तव सुप्रभातम् ॥ २९॥

श्रीमन्ननन्त शयनोडुपिवास शौरे ।

पूर्णप्रबोध हृदयांबर शीत रश्मे ।

लक्ष्मीनिवास पुरुषोत्तम पूर्णकाम ।

मध्वेश कृष्ण भगवन् तव सुप्रभातम् ॥ ३०॥

श्री प्राणनाथ करुणा वरुणालयार्त ।

सन्त्राण शौन्द रमणीय गुणप्रपूर्ण ।

सङ्कर्षणानुज फणीन्द्र फणा वितान ।

मध्वेश कृष्ण भगवन् तव सुप्रभातम् ॥ ३१॥

आनन्दतुन्दिल पुरन्दर पूर्वदास ।

वृन्दाभिवन्दित पदांबुजनन्द सूनो ।

गोविन्द मन्दरगिरीन्द्र धरांबुदाभ ।

मध्वेश कृष्ण भगवन् तव सुप्रभातम् ॥ ३२॥

मीनाकृते कमठरूप वराहमूर्ते ।

स्वामिन् नृसिंह बलिसूदन जामदग्न्यः ।

श्री राघवेन्द्र यदुपुङ्गव बुद्ध कल्किन् ।

मध्वेश कृष्ण भगवन् तव सुप्रभातम् ॥ ३३॥

गोपाल गोप ललनाकुलरासलीला ।

लोलाभ्रनील कमलेश कृपालवाल ।

कालीयमौलि विलसन्मणिरञ्जिताङ्घ्रे ।

मध्वेश कृष्ण भगवन् तव सुप्रभातम् ॥ ३४॥

!!!! Astrologer Gyanchand Bundiwal. Nagpur । M.8275555557 !!

कृष्णस्य मङ्गल निधेर्भुवि सुप्रभातं ।

येहर्मुखे प्रतिदिनं मनुजाः पठन्ति ।

विन्दन्ति ते सकल वाञ्छित सिद्धिमाशु ।

ज्ञानञ्च मुक्ति सुलभं परमं लभन्ते ॥ ३५॥

श्रीकृष्णार्पणमस्तु ॥

श्री वेङ्कटेश सुप्रभातम् ॥Shri Venkatesha Suprabhatam

श्री वेङ्कटेश सुप्रभातम् ॥Shri Venkatesha Suprabhatam

कौसल्या सुप्रजा राम पूर्वा सन्ध्या प्रवर्तते

उत्तिष्ठ नरशार्दूल कर्तव्यं दैवमाह्निकम् ॥ १॥https://goo.gl/maps/N9irC7JL1Noar9Kt5।,,,,,,,,,,,Astrologer Gyanchand Bundiwal M. 0 8275555557

उत्तिष्ठोत्तिष्ठ गोविन्द उत्तिष्ठ गरुडध्वज

उत्तिष्ठ कमलाकान्त त्रैलोक्यं मङ्गलं कुरु ॥ २॥

मातस्समस्तजगतां मधुकैटभारेः

वक्षोविहारिणि मनोहरदिव्यमूर्ते ।

श्रीस्वामिनि श्रितजनप्रियदानशीले

श्रीवेङ्कटेशदयिते तव सुप्रभातम् ॥ ३॥

तव सुप्रभातमरविन्दलोचने

भवतु प्रसन्नमुखचन्द्रमण्डले ।

विधिशङ्करेन्द्रवनिताभिरर्चिते

वृषशैलनाथदयिते दयानिधे ॥ ४॥

अत्र्यादिसप्तऋषयस्समुपास्य सन्ध्यां

आकाशसिन्धुकमलानि मनोहराणि ।

आदाय पादयुगमर्चयितुं प्रपन्नाः

शेषाद्रिशेखरविभो तव सुप्रभातम् ॥ ५॥

पञ्चाननाब्जभवषण्मुखवासवाद्याः

त्रैविक्रमादिचरितं विबुधाः स्तुवन्ति ।

भाषापतिः पठति वासरशुद्धिमारात्

शेषाद्रिशेखरविभो तव सुप्रभातम् ॥ ६॥

ईषत्प्रफुल्लसरसीरुहनारिकेल-

पूगद्रुमादिसुमनोहरपालिकानाम् ।

आवाति मन्दमनिलस्सह दिव्यगन्धैः

शेषाद्रिशेखरविभो तव सुप्रभातम् ॥ ७॥

उन्मील्य नेत्रयुगमुत्तमपञ्जरस्थाः

पात्रावशिष्टकदलीफलपायसानि

भुक्त्वा सलीलमथ केलिशुकाः पठन्ति

शेषाद्रिशेखरविभो तव सुप्रभातम् ॥ ८॥

तन्त्रीप्रकर्षमधुरस्वनया विपञ्च्या

गायत्यनन्तचरितं तव नारदोऽपि ।

भाषासमग्रमसकृत्करचाररम्यं

शेषाद्रिशेखरविभो तव सुप्रभातम् ॥ ९॥

भृङ्गावली च मकरन्दरसानुविद्ध

झङ्कारगीत निनदैःसह सेवनाय ।

निर्यात्युपान्तसरसीकमलोदरेभ्यः

शेषाद्रिशेखरविभो तव सुप्रभातम् ॥ १०॥

योषागणेन वरदध्निविमथ्यमाने

घोषालयेषु दधिमन्थनतीव्रघोषाः ।

रोषात्कलिं विदधते ककुभश्च कुम्भाः

शेषाद्रिशेखरविभो तव सुप्रभातम् ॥ ११॥

पद्मेशमित्रशतपत्रगतालिवर्गाः

हर्तुं श्रियं कुवलयस्य निजाङ्गलक्ष्म्या ।

भेरीनिनादमिव बिभ्रति तीव्रनादं

शेषाद्रिशेखरविभो तव सुप्रभातम् ॥ १२॥

श्रीमन्नभीष्टवरदाखिललोकबन्धो

श्रीश्रीनिवास जगदेकदयैकसिन्धो ।

श्रीदेवतागृहभुजान्तर दिव्यमूर्ते

श्रीवेङ्कटाचलपते तव सुप्रभातम् ॥ १३॥

श्रीस्वामिपुष्करिणिकाऽऽप्लवनिर्मलाङ्गाः

श्रेयोऽर्थिनो हरविरिञ्चसनन्दनाद्याः ।

द्वारे वसन्ति वरवेत्रहतोत्तमाङ्गाः

श्रीवेङ्कटाचलपते तव सुप्रभातम् ॥ १४॥

श्रीशेषशैलगरुडाचलवेङ्कटाद्र

नारायणाद्रिवृषभाद्रिवृषाद्रिमुख्याम् ।

आख्यां त्वदीयवसतेरनिशं वदन्ति

श्रीवेङ्कटाचलपते तव सुप्रभातम् ॥ १५॥

सेवापराः शिवसुरेशकृशानुधर्म-

रक्षोऽम्बुनाथपवमानधनाधिनाथाः ।

बद्धाञ्जलिप्रविलसन्निजशीर्षदेशा

श्रीवेङ्कटाचलपते तव सुप्रभातम् ॥ १६॥

घाटीषु ते विहगराजमृगाधिराज-

नागाधिराजगजराजहयाधिराजाः ।

स्वस्वाधिकारमहिमाधिकमर्थयन्ते

श्रीवेङ्कटाचलपते तव सुप्रभातम् ॥ १७॥

सूर्येन्दुभौमबुधवाक्पतिकाव्यसौरि

स्वर्भानुकेतुदिविषत्परिषत्प्रधानाः ।

त्वद्दासदासचरमावधिदासदासाः

श्रीवेङ्कटाचलपते तव सुप्रभातम् ॥ १८॥

त्वत्पादधूलिभरितस्फुरितोत्तमाङ्गाः

स्वर्गापवर्गनिरपेक्षनिजान्तरङ्गाः ।

कल्पागमाऽऽकलनयाऽऽकुलतां लभन्ते

श्रीवेङ्कटाचलपते तव सुप्रभातम् ॥ १९॥

त्वद्गोपुराग्रशिखराणि निरीक्षमाणाः

स्वर्गापवर्गपदवीं परमां श्रयन्तः ।

मर्त्या मनुष्यभुवने मतिमाश्रयन्ते

श्रीवेङ्कटाचलपते तव सुप्रभातम् ॥ २०॥

श्रीभूमिनायक दयादिगुणामृताब्धे

देवाधिदेव जगदेकशरण्यमूर्ते ।

श्रीमन्ननन्त गरुडादिभिरर्चिताङ्घ्रे

श्रीवेङ्कटाचलपते तव सुप्रभातम् ॥ २१॥

श्रीपद्मनाभ पुरुषोत्तम वासुदेव

वैकुण्ठ माधव जनार्दन चक्रपाणे ।

श्रीवत्सचिन्ह शरणागतपारिजात

श्रीवेङ्कटाचलपते तव सुप्रभातम् ॥ २२॥

कन्दर्पदर्पहरसुन्दर दिव्यमूर्ते

कान्ताकुचाम्बुरुह कुट्मललोलदृष्टे ।

कल्याणनिर्मलगुणाकर दिव्यकीर्ते

श्रीवेङ्कटाचलपते तव सुप्रभातम् ॥ २३॥

मीनाकृते कमठ कोल नृसिंह वर्णिन्

स्वामिन् परश्वथतपोधन रामचन्द्र ।

शेषांशराम यदुनन्दन कल्किरूप

श्रीवेङ्कटाचलपते तव सुप्रभातम् ॥ २४॥

एलालवङ्गघनसारसुगन्धितीर्थं

दिव्यं वियत्सरिति हेमघटेषु पूर्णम् ।

धृत्वाऽऽद्य वैदिकशिखामणयः प्रहृष्टाः

तिष्ठन्ति वेङ्कटपते तव सुप्रभातम् ॥ २५॥

भास्वानुदेति विकचानि सरोरुहाणि

सम्पूरयन्ति निनदैः ककुभो विहङ्गाः

श्रीवैष्णवास्सततमर्थितमङ्गलास्ते

धामाऽऽश्रयन्ति तव वेङ्कट सुप्रभातम् ॥ २६॥

ब्रह्मादयः सुरवरास्समहर्षयस्ते

सन्तस्सनन्दन मुखास्त्वथ योगिवर्याः ।

धामान्तिके तव हि मङ्गलवस्तु हस्ता

श्रीवेङ्कटाचलपते तव सुप्रभातम् ॥ २७॥

लक्ष्मीनिवास निरवद्यगुणैकसिन्धो

संसारसागरसमुत्तरणैकसेतो ।

वेदान्तवेद्य निजवैभव भक्तभोग्य

श्रीवेङ्कटाचलपते तव सुप्रभातम् ॥ २८॥

इत्थं वृषाचलपतेरिह सुप्रभातम्

ये मानवाः प्रतिदिनं पठितुं प्रवृत्ताः ।

तेषां प्रभातसमये स्मृतिरङ्गभाजां

प्रज्ञां परार्थसुलभां परमां प्रसूते ॥ २९॥

इति वेङ्कटेशसुप्रभातम् ॥

अथ वेङ्कटेशस्तोत्रम् ॥

कमलाकुचचूचुककुङ्कुमतो

नियतारुणितातुलनीलतनो ।

कमलायतलोचन लोकपते

विजयी भव वेङ्कटशैलपते ॥ १॥

सचतुर्मुखषण्मुखपञ्चमुख-

प्रमुखाखिलदैवतमौलिमणे ।

शरणागतवत्सल सारनिधे

परिपालय मां वृषशैलपते ॥ २॥

अतिवेलतया तव दुर्विषहैः

अनुवेलकृतैरपराधशतैः ।

भरितं त्वरितं वृषशैलपते

परया कृपया परिपाहि हरे ॥ ३॥

अधिवेङ्कटशैलमुदारमते

जनताभिमताधिकदानरतात् ।

परदेवतया गदितान्निगमैः

कमलादयितान्न परं कलये ॥ ४॥

कलवेणुरवावशगोपवधू

शतकोटिवृतात्स्मरकोटिसमात् ।

प्रतिवल्लविकाभिमतात्सुखदात्

वसुदेवसुतान्न परं कलये ॥ ५॥

अभिरामगुणाकर दाशरथ

जगदेकधनुर्धर धीरमते ।

रघुनायक राम रमेश विभो

वरदो भव देव दयाजलधे ॥ ६॥

अवनीतनयाकमनीयकरं

रजनीकरचारुमुखाम्बुरुहम् ।

रजनीचरराजतमोमिहिरं

महनीयमहं रघुराममये ॥ ७॥

सुमुखं सुहृदं सुलभं सुखदं

स्वनुजं च सुकायममोघशरम् ।

अपहाय रघूद्वहमन्यमहं

न कथञ्चन कञ्चन जातु भजे ॥ ८॥

विना वेङ्कटेशं नाथो न नाथः

सदा वेङ्कटेशं स्मरामि स्मरामि

हरे वेङ्कटेश प्रसीद प्रसीद

प्रियं वेङ्कटेश प्रयच्छ प्रयच्छ ॥ ९॥

अहं दूरतस्ते पदाम्भोजयुग्म-

प्रणामेच्छयाऽऽगत्य सेवां करोमि ।

सकृत्सेवया नित्यसेवाफलं त्वं

प्रयच्छ प्रयच्छ प्रभो वेङ्कटेश ॥ १०॥

अज्ञानिना मया दोषान्

अशेषान्विहितान् हरे ।

क्षमस्व त्वं क्षमस्व त्वं

शेषशैलशिखामणे ॥ ११॥

इति वेङ्कटेशस्तोत्रम् ॥

अथ वेङ्कटेशप्रपत्ति ॥

ईशानां जगतोऽस्य वेङ्कटपतेर्विष्णोः परां प्रेयसीं

तद्वक्षस्स्थलनित्यवासरसिकां तत्क्षान्तिसंवर्धिनीम्

पद्मालङ्कृतपाणिपल्लवयुगां पद्मासनस्थां श्रियं

वात्सल्यादिगुणोज्ज्वलां भगवतीं वन्दे जगन्मातरम् ॥ १॥

श्रीमन् कृपाजलनिधे कृतसर्वलोक

सर्वज्ञ शक्त नतवत्सल सर्वशेषिन् ।

स्वामिन् सुशील सुलभाश्रितपारिजात

श्रीवेङ्कटेशचरणौ शरणं प्रपद्ये ॥ २॥

आनूपुरार्पितसुजातसुगन्धिपुष्प

सौरभ्यसौरभकरौ समसन्निवेशौ ।

सौम्यौ सदाऽनुभवनेऽपि नवानुभाव्यौ

श्रीवेङ्कटेशचरणौ शरणं प्रपद्ये ॥ ३॥

सद्योविकासिसमुदित्वरसान्द्रराग-

सौरभ्यनिर्भरसरोरुहसाम्यवार्ताम् ।

सम्यक्षु साहसपदेषु विलेखयन्तौ

श्रीवेङ्कटेशचरणौ शरणं प्रपद्ये ॥ ४॥

रेखामयध्वजसुधाकलशातपत्र

वज्राङ्कुशाम्बुरुहकल्पकशङ्खचक्रैः ।

भव्यैरलङ्कृततलौ परतत्व चिन्हैः

श्रीवेङ्कटेशचरणौ शरणं प्रपद्ये ॥ ५॥

ताम्रोदरद्युतिपराजितपद्मरागौ

बाह्यैर्महोभिरभिभूतमहेन्द्रनीलौ ।

उद्यन्नखांशुभिरुदस्तशशाङ्कभासौ

श्रीवेङ्कटेशचरणौ शरणं प्रपद्ये ॥ ६॥

सप्रेमभीति कमलाकरपल्लवाभ्यां

संवाहनेऽपि सपदि क्लममादधानौ ।

कान्ताववाङ्ग्मनसगोचरसौकुमार्यौ

श्रीवेङ्कटेशचरणौ शरणं प्रपद्ये ॥ ७॥

लक्ष्मीमहीतदनुरूपनिजानुभाव-

नीलादिदिव्यमहिषीकरपल्लवानाम् ।

आरुण्यसङ्क्रमणतः किल सान्द्ररागौ

श्रीवेङ्कटेशचरणौ शरणं प्रपद्ये ॥ ८॥

नित्यान्नमद्विधिशिवादिकिरीटकोटि-

प्रत्युप्तदीप्तनवरत्नमहःप्ररोहैः ।

नीराजनाविधिमुदारमुपादधानौ

श्रीवेङ्कटेशचरणौ शरणं प्रपद्ये ॥ ९॥

विष्णोः पदे परम इत्युतिदप्रशंसौ

यौ मध्व उत्स इति भोग्यतयाऽप्युपात्तौ ।

भूयस्तथेति तव पाणितलप्रदिष्टौ

श्रीवेङ्कटेशचरणौ शरणं प्रपद्ये ॥ १०॥

पार्थाय तत्सदृशसारथिना त्वयैव

यौ दर्शितौ स्वचरणौ शरणं व्रजेति ।

भूयोऽपि मह्यमिह तौ करदर्शितौ ते

श्रीवेङ्कटेशचरणौ शरणं प्रपद्ये ॥ ११॥

मन्मूर्ध्नि कालियफणे विकटाटवीषु

श्रीवेङ्कटाद्रिशिखरे शिरसि श्रुतीनाम् ।

चित्तेऽप्यनन्यमनसां सममाहितौ ते

श्रीवेङ्कटेशचरणौ शरणं प्रपद्ये ॥ १२॥

अम्लानहृष्यदवनीतलकीर्णपुष्पौ

श्रीवेङ्कटाद्रिशिखराभरणायमानौ ।

आनन्दिताखिलमनोनयनौ तवैतौ

श्रीवेङ्कटेशचरणौ शरणं प्रपद्ये ॥ १३॥

प्रायः प्रपन्नजनता प्रथमावगाह्यौ

मातुस्स्तनाविव शिशोरमृतायमानौ ।

प्राप्तौ परस्परतुलामतुलान्तरौ ते

श्रीवेङ्कटेशचरणौ शरणं प्रपद्ये ॥ १४॥

सत्त्वोत्तरैस्सततसेव्यपदाम्बुजेन

संसारतारकदयार्द्र दृगञ्चलेन ।

सौम्योपयन्तृमुनिना मम दर्शितौ ते

श्रीवेङ्कटेशचरणौ शरणं प्रपद्ये ॥ १५॥

श्रीश श्रिया घटिकया त्वदुपायभावे

प्राप्ये त्वयि स्वयमुपेयतया स्फुरन्त्या ।

नित्याश्रिताय निरवद्यगुणाय तुभ्य

स्यां किङ्करो वृषगिरीश न जातु मह्यम् ॥ १६॥

इति वेङ्कटेशप्रपत्ति ॥

॥ अथ वेङ्कटेशमङ्गलाशासनम् ॥

श्रियः कान्ताय कल्याणनिधये निधयेऽर्थिनां

श्रीवेङ्कटनिवासाय श्रीनिवासाय मङ्गलम् ॥ १॥

लक्ष्मी सविभ्रमालोकसुभ्रूविभ्रमचक्षुषे

चक्षुषे सर्वलोकानां वेङ्कटेशाय मङ्गलम् ॥ २॥

श्रीवेङ्कटाद्रिशृङ्गाङ्ग्रमङ्गलाभरणाङ्घ्रये

मङ्गलानां निवासाय वेङ्कटेशाय मङ्गलम् ॥ ३॥

सर्वावयवसौन्दर्यसम्पदा सर्वचेतसां

सदा सम्मोहनायास्तु वेङ्कटेशाय मङ्गलम् ॥ ४॥

नित्याय निरवद्याय सत्यानन्दचिदात्मने

सर्वान्तरात्मने श्रीमद्वेङ्कटेशाय मङ्गलम् ॥ ५॥

स्वतस्सर्वविदे सर्व शक्तये सर्वशेषिण

सुलभाय सुशीलाया वेङ्कटेशाय मङ्गलम् ॥ ६॥

परस्मै ब्रह्मणे पूर्णकामाय परमात्मने

प्रयुञ्जे परतत्त्वाय वेङ्कटेशाय मङ्गलम् ॥ ७॥

आकालतत्त्वमश्रान्तं आत्मनामनुपश्यतां

अतृप्तामृतरूपाय वेङ्कटेशाय मङ्गलम् ॥ ८॥

प्रायस्स्वचरणौ पुंसां शरण्यत्वेन पाणिना

कृपयाऽऽदिशते श्रीमद्वेङ्कटेशाय मङ्गलम् ॥ ९॥

दयामृत तरङ्गिण्यास्तरङ्गैरिव शीतलै

अपाङ्गैः सिञ्चते विश्वं वेङ्कटेशाय मङ्गलम् ॥ १०॥

स्रग्भूषाम्बरहेतीनां सुषमावहमूर्तये

सर्वार्तिशमनायास्तु वेङ्कटेशाय मङ्गलम् ॥ ११

श्रीवैकुण्ठविरक्ताय स्वामिपुष्करिणीतटे

रमया रममाणाय वेङ्कटेशाय मङ्गलम् ॥ १२॥

श्रीमत्सुन्दरजामातृमुनिमानसवासिने

सर्वलोकनिवासाय श्रीनिवासाय मङ्गलम् ॥ १३॥

!!!! Astrologer Gyanchand Bundiwal. Nagpur । M.8275555557 !!

मङ्गलाशासनपरैर्मदाचार्य पुरोगमैः

सर्वैश्च पूर्वैराचार्यैः सत्कृतायास्तु मङ्गलम् ॥ १४॥

इति वेङ्कटेशमङ्गलाशासनम् ॥ ॐ तत्सत् ॥