श्री शैल मल्लिकार्जुन सुप्रभात स्तोत्रम् ..Shri shaila mallikarjuna suprabatam stotram
कलाभ्यां चूडालं कृतशशिकलाभ्यां निजतपः च्
फलाभ्यां भक्तेषु प्रकटितफलाभ्यां भवतु मे |
शिवाभ्या मस्तोक त्रिभुवनशिवाभ्यां हृदि पुन च्
र्भवाभ्या मानंद स्फुरदनुभवाभ्यां नतिरियम्.
नमस्ते नमस्ते महादेव ! शंभो !
नमस्ते नमस्ते दयापूर्णसिंधो !
नमस्ते नमस्ते प्रपन्नातबंधो !
नमस्ते नमस्ते नमस्ते महेश.
शश्वच्छीगिरिमूर्धनि त्रिजगतां च्रक्षाकृतिं लक्षितां |
साक्षादक्षतसत्कटाक्षसरणि श्रीमत्सुधावर्षिणीम् |
सोमार्धांकितमस्तकां प्रणमतां निस्सीमसंपत्प्रदां |
सुश्लोकां भ्रमरांबिकां स्मितमुखीं शंभोस्सखीं त्वां नुमः.
मातः ! प्रसीद सदया भव भव्यशीले !
लीलालवाकलितदैत्यकुलापहारे !
श्री चक्रराजनिलये ! श्रुतिगीतकीर्ते !
श्रीशैलनाथदयिते तव सुप्रभातम्.
शंभो ! सुरेंद्रनुत ! शंकर ! शूलपाणे !
चंद्रावतंस ! शिव ! शर्व ! पिनाकपाणे !
गंगाधर ! क्रतुपते ! गरुडध्वजाप्त !
श्रीशैलनाथदयिते ! तव सुप्रभातम्.
विश्वेश ! विश्वजनसेवित ! विश्वमूर्ते !
विश्वंभर ! त्रिपुरभेदन ! विश्वयोने !
फालाक्ष ! भव्यगुण ! भोगिनिभुषणेत !
श्रीशैलनाथदयिते ! तव सुप्रभातम्.
कल्याणरूप ! करुणाकर ! कालकंठ !
कल्पद्रुमप्रसवपूजित ! कामदायिन् !
दुर्नीतिदैत्यदलनोद्यत ! देवदेव !
श्रीशैलनाथदयिते ! तव सुप्रभातम्.
गौरीमनोहर ! गणेश्वरसेवितांघ्रे !
गंधर्वयक्षसुरकिन्नरगीतकीर्ते |
गंडावलंबिफणिकुंडलमंडितास्य !
श्रीशैलनाथदयिते ! तव सुप्रभातम्.
नागेंद्रभूषण ! निरीहित ! निर्विकार !
निर्माय ! निश्चल ! निरर्गल ! नागभेदिन् !
नारायणप्रिय ! नतेष्टत ! निर्मलात्मन् !
श्रीशैलनाथदयिते ! तव सुप्रभातम्.
सृष्टं त्वयैव जग देत दशेष मीश !
रक्षाविधिश्च विधिगोचर ! तावकीनः |
संहारशक्तिरपि शंकर ! किंकरी ते !
श्रीशैलनाथदयिते ! तव सुप्रभातम्.
एक स्त्व मेव बहूधा भव ! भासि लोके |
निश्शंकधीर्वृषभकेतन ! मल्लिनाथ !
श्री भ्रामरीप्रिय ! सुखाश्रय ! लोकनाथ !
श्रीशैलनाथदयिते ! तव सुप्रभातम्.
पातालगांगजलमज्जननिर्मलांगाः |
भस्मत्रिपुंड्रसमलंकृतफालभागाः |
गायंति देवमुनिभक्तजना भवंतं |
श्रीशैलनाथदयिते ! तव सुप्रभातम्.
सारस्वतांबुयुतभोगवतीश्रितायाः |
ब्रह्मेशविष्णुगिरिचुंबितकृष्णवेण्यां |
सोपानमार्ग मधिरुह्य भजंति भक्ताः |
श्रीशैलनाथदयिते ! तव सुप्रभातम्.
श्री मल्लिकार्जुनमहेश्वरसुप्रभात च्
स्तोत्रं पठ न्ति भुवि ये मनुजाः प्रभाते |
ते सर्वसौख्य मनुभूय परानवाप्यं |
श्री शांभवं पद मवाप्य मुदं लभंते.
इति श्रीशैल मल्लिकार्जुन सुप्रभातम्
श्री मल्लिकार्जुन प्रपत्तिः
जय जय जय शंभो जंभभित्पूर्वदेव च्
प्रणत पदसरोजद्वंद्व ! निर्द्वंद्वबंधो !
जय जय जय जन्मस्थेमसंहारकार !
प्रणय सगुणमूर्ते ! पालयास्मान् प्रपन्नाम्. १
वधूमुखं वल्ग दपांगरेख मखंडितानंदकरप्रसादम् |
विलोकय न्विस्फुरदात्मभाव च्स्स मे गतिश्श्रीगिरिसार्वभौमः.
कुरंगपाणिः करुणावलोक च्स्सुरोत्तम श्चंद्रकलावतंसः |
वधूसहायस्सकलेष्टदाता भवत्वसौ श्रीगिरिभाग्यराशिः. २
संध्यारंभविजृंभितं श्रुतिशिर स्थानांतराधिष्ठितं |
सप्रेमभ्रमराभिराम वसकृत् सद्वासनाशोभितम् |
भोगींद्राभरणं समस्तसुमनः पूज्यं गुणाविष्कृतं |
सेवे श्रीगिरिमल्लिकार्जुनमहा लिंगं शिवालिंगितम्. ३
या मूलं सचराचरस्य जगतः पुंसः पुराणी सखी |
व्यक्तात्मा परिपालनाय जगता माप्तावतारावलिः |
दुष्टध्वंससदिष्टदानविधये नानासनाध्यासिनी |
श्रीशैलाग्रनिवासिनी भवतु मे श्रेयस्करी भ्रामरी. ४
यत्तेजःपरमाणुरेत दखिलं नानास्फुरन्नामभिर् |
भूतं भावि भव च्चराचर जग द्धत्ते बहि श्चांतरे |
सा साक्षा द्भमरांबिका शिवसखी श्रीशैलवासोत्सुका|
दिश्या दाश्रितलोककल्पलतिका श्रेयांसि भूयांसि नः. ५
शरणं तरुणेंदुशेखर च्श्शरणं मे गिरिराजकन्यका |
शरणं पुनरेव ता वुभौ शरणं नान्य दुपैमि दैवतम्.
इति श्री मल्लि कार्जुन प्रपत्तिः
मल्लिकार्जुन मंगलाशासनम्
उमाकांताय कांताय कामितार्थप्रदायिने |
श्रीगिरीशाय देवाय मल्लिनाथाय मंगलम्. १
सर्वमंगलरूपाय श्रीनगेंद्रनिवासिने
गंगाधराय नाथाय श्रीगिरीशाय मंगलम्. २
सत्यानंदस्वरूपाय नित्यानंद विधायिने |
स्तुत्याय श्रुतिगम्याय श्रीगिरीशाय मंगलम्. ३
मुक्तिप्रदाय मुख्याय भक्तानुग्रहकारिणे |
सुंदरेशाय सौम्याय श्रीगिरीशाय मंगलम्. ४
श्रीशैलं शिखरेश्वरं गणपतिं श्रीहाटकेशं पुनः |
सारंगेश्वरबिंदुतीर्थ ममलं घंटार्कसिद्धेश्वरम् |
गंगां श्री भ्रमरां बिकां गिरिकूता मारामवीरेश्वरं |
शंखं चक्रवराहतीर्थ मनिशं श्रीशैलनाथं भजे. ५
इति श्री मल्लिकार्जुन मंगलाशासनम्
,,,,Astrologer Gyanchand Bundiwal M. 0 8275555557
